Жазда демалыста астанада боламын. Несиені Астанада өтей аламын ба?

Несиені KMF-тің кез келген филиалында өтеуге болады. Өтеген кезде өзіңізбен бірге жеке куәлігіңіз және өтеу кестесі болуы қажет.

Егер мен зейнеткер болсам несиені ресімдей аламын ба?

Иә, егер сіз топта тұратын болсаңыз. Яғни біздің микрокредиттік ұйымда топтық несиелендіруге болады, онда тұрақты табысы бар зейнеткерлер кепілзатсыз несие ала алады. Көп жағдайда бұл зейнеткер жасындағы, бизнеспен қосымша айналысатын адамдарға қатысты.

Мен Сіздердің ұйымнан несие алып жүргеніме шамамен 4 жыл болды. Келесі несиені мамыр айында аламын. Тұрақты клиенттер үшін пайыздар бойынша қандай да бір жеңілдіктер бар ма?

Біз ұзақ мерзімді әріптестігімізді бағалаймыз және мақтан тұтамыз. Біздің құрмет және сенім білдіруіміздің белгісі ретінде біз, 2 жылдан артық уақыт бойы бізбен жұмыс істеп келе жатқан клиенттер енді «KMF» МКҰ-да несиелерді неғұрлым төмен пайыздық мөлшерлемелер бойынша ала алатынын қуана хабарлаймыз. несиелендірудің өтілі қоса алғанда 2 жылдан 5 жылға дейін – сыйақының мөлшерлемесін қолданыстағы мөлшерлемеден 1%-ға төмендету; несиелендірудің өтілі қоса алғанда 5 жылдан 7 жылға дейін – сыйақының мөлшерлемесін қолданыстағы мөлшерлемеден 2%-ға төмендету; несиелендірудің өтілі қоса алғанда 7 жылдан 9 жылға дейін – сыйақының мөлшерлемесін қолданыстағы мөлшерлемеден 3%-ға төмендету; несиелендірудің өтілі қоса алғанда 9 жылдан 10 жылға дейін – сыйақының мөлшерлемесін қолданыстағы мөлшерлемеден 4%-ға төмендету; несиелендірудің өтілі қоса алғанда 10 жылдан 11 жылға дейін – сыйақының мөлшерлемесін қолданыстағы мөлшерлемеден 5%-ға төмендету; несиелендірудің өтілі қоса алғанда 11 жылдан 13 жылға дейін – сыйақының мөлшерлемесін қолданыстағы мөлшерлемеден 8%-ға төмендету; несиелендірудің өтілі 13 жылдан жоғары – сыйақының мөлшерлемесін қолданыстағы мөлшерлемеден 10%-ға төмендету.

Сіздер басқа банктерде өтелініп жатқан кредиттер туралы ақпаратты үнемі сұрайсыздар ма? Бұның кредит жөніндегі шешімге қандайда бір әсері бар ма?

Иә, кредитті ресімдеген кезде біз Кредиттік Бюродан өтінім беруші жайлы ақпаратты сұратамыз. Және бұл клиенттің өзінің мүддесі үшін қажет. Біздің қызметкерлеріміз клиенттің өз міндеттемелері бойынша төлей алу мүмкіндігін есепке ала отырып оның төлем қабілеттілігі туралы шешім шығарады. Және, әрине, Кредиттік Бюроға жолданған сауалдың нәтижелері кредит жөніндегі шешімге әсер етеді. Біз клиентіміздің кредит бойынша шамадан тыс берешегінің болуына мүдделі емеспіз.

Сіздерде сатудың маусымдық кезеңдеріне арналған қандай да бір несиелер бар ма?

Жақсы беделге және оңды несие тарихына ие қарызгерлер үшін сатудың маусымдық кезеңінде айналым капиталын толтырудың мүмкіндігі бар – «Маусым» несие өнімі.

ТЖ кезеңінде 2020 жылғы 16 наурызға дейін алынған кредиттер бойынша қалай кейінге шегеруге болады?

Мобильді қосымшадағы бас экранда кредитті басып, «өтініштер» қосымша парағын табу қажет, әрі қарай «ТЖ кезінде шегеру» таңдайды, келісім/өтініш толтырады және жібереді.

Мобильді қосымшаның құпиясөзін қаншалықты жиі ауыстыру керек?

Қосымшада құпиясөзді қайта-қайта өзгерту қажеттілігі жоқ. Өзіңізге ыңғайлы болу үшін қосымшада жылдам кіру құпиясөзін орнатуға болады

Менде банктік карта бар, қосымша арқылы кредитімді төлей аламын ба?

Иә, Сіз кез келген банктің төлем картасының көмегімен 24/7 режимінде кредит төлей аласыз. Картаңызбен интернетте төлемдер жүргізуге рұқсат етілгенін және интернеттегі төлем лимиті төлем жүргізуге мүмкіндік беретініне көз жеткізіңіз.

Мобильді қосымшада тіркелуге әрекет жасадым, бірақ маған смс келмей жатыр?

Егер смс келмесе, оның себептері: 1. Сіз оператор желісінің әрекет ету аймағынан тыс жердесіз. 2. Құрылғыңыздың жады толып қалған (КЭШ); 3. Операторыңызда смс жіберу бойынша қиындықтар бар.

Қосымша арқылы банктік картаммен кредит өтеуге әрекет жасадым, бірақ өтей алмай жатырмын.

KMF мобильді қосымшасында кредитті төлеу кезінде қателіктер туындаса, оның себептері: 1. Картаңызда қаражат жеткіліксіз; 2. Картаңызда интернетте төлем жүргізу функциясы қосылмаған; 3. Картаңызда интернетте төлем жүргізуге шектеу қойылған; 4. Картаңыздың деректерін дұрыс енгізбедіңіз; 5. Құрылғыңызда (телефоныңызда) интернет байланысы жоқ;

Мобильді қосымша арқылы кредитті қайта құрылымдауға өтінішті қалай беру керек?

Мобильді қосымшада тіркелгеннен кейін телефоныңызда «Сіздің кредит» жолы пайда болады. «Кредит» жолын басыңыз, содан кейін «Қайта құрылымдау» қосымша бетін ашыңыз. Әрі қарай өзіңізге қажетті әрекетті таңдап, мәтіндік жолды толтырыңыз (не істеу қажет екенін және осы әрекеттің себебін), содан кейін ережемен танысып, «Келісемін» батырмасын басыңыз. Экранда «Өтінішіңіз қабылданды, КМФ қызметкері сізбен байланысады» хабарламасы пайда болады.

Менің қолымда уақытша жеке куәлік бар және көп ұзамай егін жұмыстары басталады, осы уақытша куәлік бойынша тұпнұсқасын алғанға дейін кредит ресімдей аламын ба??

Қазақстан Республикасында жеке басты куәландыратын негізгі құжаттар: 1. Қазақстан Республикасы азаматының төлқұжаты; 2. жеке куәлік; 3. Қазақстан Республикасының аумағындағы шетелдіктің жеке басын куәландыратын және оған Қазақстан Республикасында тұрақты тұруға рұқсат берілуін растайтын құжат (ықтиярхат); Қалған құжаттар бойынша, соның ішінде уақытша куәлік бойынша ҚР заңнамасымен азаматтық-құқықтық мәмілелер атқаруға тыйым салынады.

Топтық кредиттеу құрамында бірінші рет қандай жоғары соманы алуға болады?

Бірінші рет 2 000 000 теңгеге дейін, әрі қарай 5 000 000 теңгеге дейін алуға болады.

Топтық кредитті беру үшін қандай алым, комиссиялар қарастырылған?

Кредитті беру кезінде кредит мерзіміне тәуелсіз 1% құрайтын комиссиялық алым қарастырылған.

Кепілсіз жеке кредит алуға бола ма?

Иә, сіз кепілсіз жеке кредит ала аласыз. Егер сіз бұрын KMF-те кредит алмаған болсаңыз, онда кепілсіз 1 000 000 теңгеге дейін алуға болады. Егер сіз KMF-тің клиенті болсаңыз, онда кепілсіз кредит сомасы 2 000 000 теңгеге дейін.

Жеке кредиттеуде жеңілдік кезеңі қарастырылады ма?

Иә, кредиттік комитет жеңілдік кезеңін қарастыруы мүмкін.

Ауыл тұрғындары жеке кредит алуға мүмкіндігі бар ма?

KMF барлық кредиттік бағдарламалары қала тұрғындарына ғана емес, сондай-ақ ауыл тұрғындарына да бағдарланған.

Қайырлы күн, Мобильді қосымшада кредитке өтінімді қалай беруге болады?

Сізге мобильді қосымшаға кіріп, бас экранда өнімді таңдау қажет немесе сол жақтағы «жаңа өтінім» қалқыма мәзірінде өтінім беру қажет.

Қайырлы күн, мобильді қосымшада мерзімінен бұрын өтеу сомасын қай жерден біле аламын?

Мерзімінен бұрын өтеу сомасын мобильді қосымшаның бас бетінде орналасқан "Кредиттің егжей-тегжейі" қойындысында көруге болады.

Колл-орталықтың нөмірін қайдан білсем болады және мобильді қосымша арқылы онымен қалай байланысуға болады?

Мәзірдің сол жағында Байланысу таңдап, 7474 (бұл біздің Колл-орталық) басу қажет.

Мобильді қосымшада менің жұлдызым қанша екенін және қандай жеңілдік қарастырылғанын қалай біле аламын?

Мобильді қосымшада "Бейілділік бағдарламасы" қойындысы бар. Бұл қойындыда сіз бейілділік бағдарламасы бойынша барлық ақпаратты көре аласыз: жеңілдік, өтіл, сома, мәртебе және т.б.

Мобильді қосымшада маған ең жақын орналасқан KMF бөлімшесінің мекенжайын қалай білсем болады?

Біздің бөлімшелердің және кеңселердің тізімін мобильді қосымшаның қалқымалы мәзірінің "KMF картасы" қойындысында геолокациямен көруге болады.

Маған кредиттің мақұлданған-мақұлданбағанын қалай білсем болады. Өтінімді мобильді қосымша арқылы жіберген едім.

Кредитке өтінім бергеннен кейін бірнеше минуттан соң мобильді қосымшада өтінімді қарау нәтижесі туралы пуш хабарлама (кредит бойынша жауап) келеді. Мобильді қосымшаның қалқыма мәзірінде «Өтінімдер мәртебесі» қосымша беті бар, сол арқылы кредитке берілген өтінімдердің мәртебесін білуге болады.

Мен вахталық әдіспен жұмыс істеймін, кредит ала аламын ба?

Кредитті тұрғылықты жері бойынша және кепілгер болғанда алуға болады. Сондай-ақ кредитті топ құрамында алуға болады.

Мен бүгін кесте бойынша төлей алмаймын. 1-2 күннен кейін төлесем бола ма?

Клиент төлем тәртібін бұзғанда (төлемді кесте бойынша төлемейді), бұл ақпарат КБ-ға түседі. Сондықтан Сізге кредит бойынша төлемді кешіктірмеуге кеңес береміз.

Кредиттік сарапшы бизнестегі көршілерімнен мен туралы сұрастырыпты. Бұл оның құзіретіне кіре ме?

Бұл ақпарат сіздің бизнесіңізді бағалау кезінде қажет болады.

Мен сіздерден топтың құрамында кредит алдым, бірақ оны жаптым. Енді маған басқа банкте кредит бермейді, топ үшін кепілгер екенімді көрсетеді. Неліктен?

Қарыз алушылар төлеу мерзімін кешіктірген және берешекті өндіріп алу үшін сотқа берілген кредиттік шарттар туралы, соның ішінде топтың құрамындағы кредиттік шарттар туралы ақпаратты Компания кредиттік бюроға береді. Сіз кепілдік шартына қол қойған топтың мүшелері берешекті өтегенге дейін кепілгер болып табыласыз.

Кредитті басқа тұлғаға тапсыруға бола ма (қайтыс болуы себебінен емес). Айталық, егер клиент басқа елге тұрақты тұруға көшіп бара жатса немесе бизнесті өткізсе, ол кредитті үшінші тұлғаға бере алады ма?

Иә, қарыз алушыны ауыстыруға болады, яғни егер клиент жұмысқа тұрса, көшсе, науқастанып қалса немесе тағы бір себептер болса, онда отбасы мүшесіне, серіктеске тапсыра алады және қабылдаған адам әрі қарай кредиттеле береді. Бұл топтық кредиттеуде жиі орын алады, яғни топтың мүшесін ауыстырады.

Басқа филиалдағы транзиттік шоттан қалдықты алуға бола ма? Белсенді кредиттер жоқ.

Иә, алуға болады. Бұл үшін бөлімшеге арыз жазу керек, қызметкерлер бұл өтінішті оның бөлімшесіне жібереді, онда қол қойып, скан жібереді. Кассада ақшаны береді.

Мобильді қосымша арқылы төлеген кезде комиссия қандай болады?

КМF мобильді қосымшасы арқылы кредит төлеген кезде – төлем сомасынан 1,4% мөлшерінде, ең азы – 335 тг комиссия алынады. Комиссияны біз емес, ақша аудару қызметтерін жеткізуші орнатады.

Егер топтың бір мүшесінде ЖК бар болса, ал екіншісі осы ЖК-ға жұмыс істейтін болса және жалақы алатын болса, онда қызметкер кредит ала алады ма?

Топта бизнес қызметкер ретінде 300 000 тг дейін ала алады, топтың құрамында кемінде үш адам болу керек – қызметкер, бизнестің иесі және кез келген расталған табыспен топтың үшінші мүшесі.

Бейілділік бағдарламасы деген не?

Бұл біздің ұйымды таңдағаны және ынтымақтасқаны үшін KMF-тің ынталандыру бағдарламасы.

Бейілділік бағдарламасына қатысу маған не береді?

Ұнамды сыйлықтар түріндегі қосымша ынталандыру. Бизнес-білім бойынша тегін тренингтер, тренингтер мен семинарларға қатысу.

Мен бағдарламаға қалай қатыса аламын?

Жәй ғана KMF-тен кредит алыңыз.

Бейілділік бағдарламасы туралы барлық ақпаратты қайдан білуге болады?

KMF мобильді қосымшасында, kmf.kz сайтында.

Мен сыйлықтарды қашан аламын?

Бөлімше кассасында кредит алған кезде күнтізбелік жылда жылына 1 рет.

Бейілділік бағдарламасы бойынша тағы қандай ынталандыруларды алуға болады?

Біздің компания өткізетін тренингтер мен семинарларға қатысу. Қатысуға өтінімді Сіз мына жерде бере аласыз

Бейілділік бағдарламасы бойынша менің мәртебем қашан жоғарылайды?

Бейілділік бағдарламасындағы мәртебе «жұлдыз» деп аталады. Жұлдыз KMF-тегі кредиттелу өтіліне байланысты жоғарылайды. Өтілі жоғары болған сайын, жұлдыз да жоғары болады. Сәйкесінше, жұлдыз жоғары болған сайын Сізге тиесілі сыйлықтар мен артықшылықтар да жоғары болады

Бағдарламада қандай ерекше жағдайлар бар?

100 мың теңгеге дейінгі сомадағы барлық кредиттер бұған жатпайды. Бұл кредиттер бейілділік бағдарламасының есебіне алынбайды.

Мен топта кредит аламын, біз үшеуміз. Менің топ бойынша серіктесім де сыйлықтар ала ма?

Топтың әрбір мүшесі сыйлықты жеке өзі алады. Топ қатысушыларының бейілділік бағдарламасындағы мәртебелері бірдей болуы міндетті емес. Олар Сіздің белсенділігіңізге байланысты, әрбір клиентке жеке беріледі.

Кредит беру туралы шарттың талаптарымен танысқым келеді, шартты мобильді қосымша арқылы оқи аламын ба?

Шарттың үлгі талаптары қалқыма мәзірдегі «Шарттардың үлгі талаптары» қосымша бетінде орналасқан. Мақұлданған өтінім бойынша шартпен және кестемен «Өтінімдер мәртебесі» қосымша бетінде танысуға болады.